Здесь были черновики Книг I, II и III
http://www.martialis.ru/index.xps?3.1.1
http://www.martialis.ru/index.xps?3.1.2
http://www.martialis.ru/index.xps?3.1.3

«Марциал не по-детски»
(200 обсценных эпиграмм)
https://store.artlebedev.ru/books/fiction/martialis/

про обед (cena) и вино (merum)
http://www.satyriconliber.net/index.xps?11.3
http://www.satyriconliber.net/index.xps?11.6

(юлианский/григорианский учитывает только на текущую дату)
http://www.martialis.ru/kalendarium/

список эксплицитной/эвфемической лексики
(насобирал пока занимался «Марциалом не по-детски»)
http://www.gaisever.net/miscellanea/obscena.html

Джером и Дойл пока здесь:
http://www.gaisever.net/miscellanea/three_men_in_a_boat.html
http://www.gaisever.net/miscellanea/three_men_on_the_bummel.html
http://www.gaisever.net/miscellanea/the_hound_of_the_baskervills.html

IV XVIII. De puero per stiriam cadentem iugulato.

Qua vicina pluit Vipsanis porta columnis,
      et madet assiduo lubricus imbre lapis,
in iugulum pueri, qui roscida tecta subibat,
      decidit hiberno praegravis unda gelu.
Cumque peregisset miseri crudelia fata,
      tabuit in calido vulnere mucro tener.
Quid non saeva sibi voluit Fortuna licere?
      Aut ubi non mors est – si iugulatis, aquae?

Collapse )

IV XVI. In Gallum.

Privignum non esse tuae te, Galle, novercae
      rumor erat coniunx dum fuit illa patris.
Non tamen hoc poterat vivo genitore probari;
      iam nusquam pater est, Galle, noverca domi est.
Magnus ab infernis revocetur Tullius umbris,
      et te defendat Regulus ipse licet –
non potes absolvi; nam quae non desinit esse
      post patrem numquam, Galle, noverca fuit.

Обсценная тема и/или ненормативная лексика; caveat lector.
Марциал не по-детски»)

Collapse )

IV XV. Ad Caecilianum.

Mille tibi nummos hesterna luce roganti
      in sex aut septem, Caeciliane, dies,
“Non habeo” dixi; sed tu, causatus amici
      adventum, lancem paucaque vasa rogas.
Stultus es? An stultum me credis, amice? Negavi
      mille tibi nummos – milia quinque dabo?

Collapse )

IV XIV. Ad Silium.

Sili, Castalidum decus sororum,
qui periuria barbari furoris
ingenti premis ore, perfidosque
astus Hannibalis, levisque Poenos
magnis cedere cogis Africanis –
paulum seposita severitate,
dum blanda vagus alea December
incertis sonat hinc et hinc fritillis,
et ludit tropa nequiore talo,
nostris otia commoda Camenis,
nec torva lege fronte, sed remissa
lascivis madidos iocis libellos.
Sic forsan tener ausus est Catullus
magno mittere «Passerem» Maroni.

Collapse )

IV XIII. Ad Rufum, de nuptiis Pudentis et Claudiae Peregrinae.

Claudia, Rufe, meo nubit Peregrina Pudenti –
      macte esto taedis, o Hymenaee, tuis!
Tam bene rara suo miscentur cinnama nardo,
      Massica Theseis tam bene vina favis;
nec melius teneris iunguntur vitibus ulmi,
      nec plus lotos aquas, litora myrtus amat.
Candida perpetuo reside, Concordia, lecto,
      tamque pari semper sit Venus aequa iugo!
Diligat illa senem quondam, sed et ipsa marito
      tum quoque, cum fuerit, non videatur anus.

Collapse )

IV XI. In Ant. Saturninum.

Dum nimium vano tumefactus nomine gaudes,
      et Saturninum te, miser, esse pudet,
impia Parrhasia movisti bella sub ursa,
      qualia qui Phariae coniugis arma tulit.
Excideratne adeo fatum tibi nominis huius,
      obruit Actiaci quod gravis ira freti?
An tibi promisit Rhenus quod non dedit illi
      Nilus, et Arctois plus licuisset aquis?
Ille etiam nostris Antonius occidit armis,
      qui tibi conlatus, perfide, Caesar erat.

Collapse )