III XI. Ad Quintum.

Si tua nec Thais, nec lusca est, Quinte, puella,
      cur in te factum distichon esse putas?
Sed simile est aliquid – pro Laide Thaida dixi.
      Dic mihi, quid simile est – Thais et Hermione?
Tu tamen es Quintus; mutemus nomen amantis –
      si non vult Quintus, Thaida Sextus amet.

Collapse )

III X. In Philomusum.

Constituit, Philomuse, pater tibi milia bina
      menstrua, perque omnis praestitit illa dies,
luxuriam premeret cum crastina semper egestas
      et vitiis essent danda diurna tuis.
Idem te moriens heredem ex asse reliquit.
      Exheredavit te, Philomuse, pater.

Collapse )