Category: отношения

III XXVI. In Candidum.

Praedia solus habes, et solus, Candide, nummos;
      aurea solus habes, murrina solus habes;
Massica solus habes, et Opimi Caecuba solus;
      et cor solus habes, solus et ingenium.
Omnia solus habes – hoc me puta velle negare!
      Uxorem sed habes, Candide, cum populo.

Collapse )

III XI. Ad Quintum.

Si tua nec Thais, nec lusca est, Quinte, puella,
      cur in te factum distichon esse putas?
Sed simile est aliquid – pro Laide Thaida dixi.
      Dic mihi, quid simile est – Thais et Hermione?
Tu tamen es Quintus; mutemus nomen amantis –
      si non vult Quintus, Thaida Sextus amet.

Collapse )