Category: религия

Category was added automatically. Read all entries about "религия".

IV I. De natali Domitiani.

Caesaris alma dies, et luce sacratior illa
      conscia Dictaeum qua tulit Ida Iovem, –
longa, precor, Pylioque veni numerosior aevo,
      semper et hoc voltu, vel meliore, nite.
Hic colat Albano Tritonida multus in auro;
      perque manus tantas plurima quercus eat;
hic colat ingenti redeuntia saecula lustro,
      et quae Romuleus sacra Tarentos habet.
Magna quidem, Superi, petimus – sed debita terris!
      Pro tanto quae sunt improba vota deo?

Collapse )